Çka dihet deri më tani për sulmin ndaj 50 vjeçarit në Cyrih

(KEYSTONE/Jean-Christophe Bott)

Një 15-vjeçar me origjinë arabe zvicerane goditi me thikë një hebre ortodoks në rrugë në qendër të Cyrihut mbrëmjen e së shtunës.

Policia e qytetit ka arrestuar të dyshuarin dhe sipas policisë kantonale të Cyrihut, si motiv po hetohet edhe antisemitizmi, transmeton albinfo.ch.

Kryetari i qarkut të Cyrihut dhe drejtori i sigurisë Mario Fehr e ka konsideruar si sulm terrorist.

“Për mua personalisht është një sulm terrorist sepse dikush u ther me thikë thjesht për shkak të përkatësisë së tij fetare. Jeta e viktimës është jashtë rrezikut. Ndjenja e sigurisë mes bashkëqytetarëve hebrenj është tronditur”, ka thënë ai, shkruan SRF.

Ndryshe, Mehr ka shtuar se përmes një video, sulmuesi është solidarizuar me “IS”, video që tani është objekt hetimi. Në video bëhej thirrje për sulme ndaj hebrenjëve dhe “therrje të jobesimtarëve”.