Maqedonci për hapjen e bazës në Kuçovë: Është mesazh i NATO-s për Ballkanin Perëndimor

Në Kuçovë sot është bërë përurimi i bazës ushtarake të NATO-s, ceremoni në të cilën ka marrë pjesë edhe ministri i Mbrojtjes së Kosovës, Ejup Maqedonci.

Sipas tij, përurimi i kësaj baze është mesazh i NATO-s për Ballkanin Perëndimor, transmeton albinfo.ch.

“Vlerësoj që për Shqipërinë në veçanti, por edhe për gjithë Ballkanin Perëndimor ka rëndësi të madhe strategjike prezenca e një baze të tillë taktike ajrore në Shqipëri. Veçanërisht për të krijuar një ambient të sigurt në Ballkanin Perëndimor, por në të njëjtën kohë për të frenuar rrezikun që mund të vijë nga kundërshtarët e stabilitetit në Ballkanin Perëndimor”, ka thënë ai për Ora News.

Ndër të tjera, ai gjithashtu ka folur edhe për dronët Bayraktarë, për të cilët ka thënë se tashmë janë të domosdoshëm për ushtritë moderne.

“Droni Bayraktar është sistem modern, tërësisht detyra e tij është vëzhgimi, por kryen edhe operacione sulmuese. Është një mjet, i cili është parë që është i suksesshëm. Është i domosdoshëm për ushtritë modern”, u shpreh ai.