Frangu i fortë, bien çmimet në Zvicër

Pas vendimit të Bankës Nacionale të Zvicrës për të pezulluar normën minimale të këmbimit të frangut me euron, furnizuesit e mallrave të importuara nga vendet evropiane kanë paralajmëruar uljen e çmimeve të tyre. Bëhet fjalë për produkte ushqimore, rroba dhe mobilje.

Esprit, Schilder kanë zbritur çmimet për 15%. Edhe Tally Weijl ka paralajmëruar zbritje për 15 për qind. MOBEL Pfister tashmë që nga e premtja të gjitha mobiljet me origjinë nga zona e euros do t’i shesë me zbritje, shkruan “Schweiz am Sonntag”.

Migros dhe Coop njoftuar se duke filluar nga e hëna frutat dhe perimet do të jenë më të lira. Produktet e tjera që do t’i blejnë në euro do të jenë më të lira, si vera, birra e importuar dhe ushqime të konservuar për fëmijë. Denner, Aldi, Media Markt dhe InterDiscount kanë premtuar se po bëjnë presion mbi furnizuesit për shkak të diferencave monetare për t’u ofruar çmime më të lira konsumatorëve zviceranë.