Rama: Nuk kemi Mekën, por jemi të 3-të në botë për rritje të turizmit

Në kuadër të pjesëmarrjes së tij në panairin e turizmit në Spanjë, kryeministri i Shqipërisë, Edi Rama, tha se Shqipëria ndodhet në vendin e tretë në botë pas Katarit dhe Arabisë Saudite për sa i takon rritjes së turizmit. Ai nënvizoi se ky është një rezultat shumë i mirë, kur mendon se Shqipëria është një vend ku nuk zhvillohet as botërori i futbollit dhe nuk është as Meka, përcjell albinfo.ch.

“Ka shumë kërkesa për të ardhur në Shqipëri. Vitin e shkuar shënuam aeroportin me rritjen më të lartë të fluksin në Europë, bëhet fjalë për Aeroportin Ndërkombëtar të Tiranës. Ne jemi vendi i tretë sa i takon rritjes së turizmit në botë pas Katarit dhe Arabisë Saudite, jemi pra të tretët pa pasur Kupën Botërore dhe pa Mekën, është rezultat shumë i mirë”, theksoi Rama.