Kosova
Kryeministri i Shqipërisë: Me Kurtin dhe Vuçiqin komunikimi ishte pozitiv
Kryeministri i Shqipërisë, Edi Rama, ka deklaruar se dje dielën ka pasur darkën e parë të përbashkët me kryeministrin e Kosovës, Albin Kurti dhe presidentin e Serbisë, Aleksandër Vuçiq, teksa sipas tij, komunikimi në tryezë ishte pozitiv.
“Është hera e parë që jam në një darkë me Albinin dhe Vuçiqin dhe më rezulton që u bë një komunikim pozitiv mes të gjithëve, ashtu si kundër më rezulton se ky format e këto kërkesa që i ka sot BE-ja nga ne, për të na dhënë mundësinë që të marrim më shumë në aspektin ekonomik, flasin vetë për atë që më ka rënë goja për gjithë këto vite. Ne të integrohemi brenda rajonit që të jemi gati kur të duhet të bëjmë një hap më tej në BE”, ka thënë ai, transmeton albinfo.ch.
Tutje, sipas tij, vendet duhet t’i shfrytëzojnë mekanizmat e Procesit të Berlinit dhe të “Ballkanit të Hapur” për të ecur në rrugën evropiane.
“Nëse ne do t’i kishim bërë të gjitha gjërat që mund t’i kishim bërë në kundër të Procesit të Berlinit dhe duke shfrytëzuar mekanizmat e ‘Ballkanit të Hapur’, si mekanizma të hapur do të ishim gati. S’jemi gati sepse kemi humbur kohë dhe kemi harxhuar shumë energji duke u marrë me terminologji… Janë rezultat i mungesës së vizionit strategjik të përbashkët, të gjithë anëtarët e 6 vendeve dhe mungesa e dëshirës për të ndarë çështjet e brendshme me të madhen që është sa e madhe aq e brendshme”, është shprehur kryeministri i Shqipërisë.
Ndër të tjera, Rama ka thënë se Bashkimi Evropian e ka bërë të qartë qëndrimin për vendet e Ballkanit Perëndimor.
Kryeministri i Shqipërisë, i pyetur për rrugën e Kosovës drejt anëtarësimit në NATO, ka thënë se “kjo është punë që nuk ka një datë, pasi duhen përpjekje të përditshme”.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?