Tematike
SVP merr vota edhe nga votuesit tradicionalisht të majtë
53% e njerëzve që kanë kaluar në SVP kanë përmendur çështjen e politikës së migracionit si arsye, 39% çështjen e gjinive dhe “wokeness”
Në zgjedhjet parlamentare që u mbajtën dje, SVP ka fituar votues nga i gjithë spektri partiak dhe gjithashtu ka mobilizuar votues të rinj. Këtë e tregon një sondazh i Institutit Sotomo, i cili është marrë me arsyet e sjelljes, gjegjësisht ndryshimit të preferencave nga ana e votuesve, transmeton albinfo.ch.
Edhe partitë e tjera kanë hunbur, gjegjësisht fituar vota nga partitë rivale ose edhe të një blloku. Kështu PS-ja ka fituar 2 pikë përqindje nga të Gjelbrit, por ka humbur 0.4 pikë përqindje ndaj partisë së Qendrës (Die Mitte) dhe 0.5 pikë përqindje ndaj SVP-së.
Qendra, nga ana tjetër, ka fituar vota të krahut të majtë dhe atij liberal, por gjithashtu ka humbur 0.7 pikë përqindje ndaj SVP-së, shkruan srf.ch. Më shumë se gjysma e humbjeve të të Gjelbërve kanë shkuar në favor të PS-së.
Anketa është realizuar në emër të SRG dhe u zhvillua ndërmjet 21 dhe 23 tetorit. Në të kanë marrë pjesë 23,207 votues me të drejtë vote. Marzha e gabimit është plus/minus 1.2 pikë përqindjeje.
Çështja më e rëndësishme për të cilën janë dhënë votat në zgjedhjet e 2023-ës ishte migrimi, tregon sondazhi i Sotomo-s.
Pothuajse një e treta e votuesve që në këto zgjedhje kanë votuar për një parti tjetër nga ajo e zgjedhjeve të kaluara, kanë përmendur çështjen e primeve të sigurimit shëndetësor, sipas po këtij sondazhi.
Një e katërta janë shprehur se nuk ishin të kënaqur me politikën e migrimit të ish-partisë së tyre dhe një e katërta tjetër ka përmendur debatin rreth gjinive dhe “wokeness” (ndjeshmëria për barazinë racore), siç tregon sondazhi i Institutit Sotomo.
Në këtë kontekst, 53% e njerëzve që kanë kaluar në SVP kanë përmendur çështjen e politikës së migracionit si arsye, 39% çështjen e gjinive dhe “wokeness” dhe 30% pandeminë e koronës, përcjell albinfo.ch. PS ka përfituar nga çështja e sigurimeve shëndetësore. 28% e kanë përmendur këtë si një arsye për ndërrim partie.
Arsyet pse SVP është fituesja e madhe e zgjedhjeve dhe të Gjelbrit humbësit e mëdhenj lidhen me çështjet që shqetësojnë votuesit, thotë politologia Isabelle Stadelmann-Steffen.
Ndryshimet klimatike ishin çështja dominuese në zgjedhjet e katër viteve më parë, në vitin 2019. Por, kjo tani ka ndryshuar. Kjo nuk do të thotë se shumë njerëz me një qëndrim bazë majtas-gjelbër kanë votuar papritmas në për partitë e djathta. Më shumë bëhet fjalë për prioritizimin e temave.
Sidomos në situata krize, temat gjithmonë priren të shkojnë në drejtim konservator, pra djathtas thotë Stadelmann-Steffen.
E-Diaspora
-
Itali
Irma Kurti vlerësohet me “Çmimin e Kulturës” në Itali Sërish ka ardhur një vlerësim i ri për poeten dhe shkrimtaren shqiptare Irma Kurti: i akordohet...
-
Pianistja e njohur kosovare, Lule Elezi, mban koncert recital në vendlindjen e Shopenit
-
Kush është gruaja që ju flet shqip kur fluturoni me CHAIR?
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë