Chollet dënon dhunën ndaj Policisë së Kosovës, sulmet në veri i cilëson të tmerrshme

Këshilltari i Departamentit amerikan të Shtetit, Derek Chollet, ka dënuar sulmin e tmerrshëm të së dielës në Kosovë.

Përmes rrjetit ‘X’ Chollet u ka bërë thirrje Kosovës e Serbisë të rikthehen në dialog dhe t’i zbatojnë obligimet e Marrëveshjes së Ohrit.

“Fola me kryeministrin Albin Kurti për sulmin e tmerrshëm të së dielës në Kosovë. E dënoj ashpër dhunën kundër Policisë së Kosovës dhe shpreh ngushëllime për humbjen e rreshterit Afrim Bunjaku”, ka shkruar Chollet.