Komiteti Ndërkombëtar i Kryqit të Kuq do të shkurtojë 270 vende pune deri në vitin 2024

FB: ICRC

Kriza buxhetore në Komitetin Ndërkombëtar të Kryqit të Kuq do të vazhdojë deri në vitin 2024. Organizata njoftoi sot në Gjenevë se do t’i duhet të shkurtojë rreth 270 poste shtesë në selinë e saj dhe një numër ende të panjohur në mbarë botën.

Në total, buxheti fillestar është reduktuar në 2.1 miliardë CHF, 13% më pak se buxheti i rishikuar për këtë vit.

“Ndikimi i plotë do të dihet pasi delegacionet tona të kenë përfunduar planifikimin e tyre të buxhetit”, ka thënë për media drejtori i përgjithshëm i ICRC, Robert Mardini, shkruan swissinfo, përcjell albinfo.ch.

Hapi në fjalë është planifikuar për në nëntor.

“Këto vendime janë të pashmangshme dhe të dhimbshme”, shtoi z.Mardini, teksa theksoi “paradoksin” midis këtyre vështirësive dhe nevojave në rritje humanitare.

Komiteti kishte njoftuar tashmë 1,800 pushime nga puna në mesin e rreth 3,000 shkurtimeve të vendeve të punës për këtë vit, si në selinë qendrore, ashtu edhe në delegacione të ndryshme.