Sipas raportimeve nga Vijesti, Qeveria e vendit atje ka njoftuar në vendimin e fundit për vendosjen e masave kufizuese ndërkombëtare të përcaktuara me vendimet e Këshillit të Bashkimit Evropian në lidhje me këta persona, shkruan albinfo.ch.

Vendimi i 5 shtatorit, personave nga lista u ndalon hyrjen në territorin e Malit të Zi, teksa në listë ka politikanë, pjesëtarë të ushtrisë, prokurorë, gjyqtarë, punonjës të medias, roje sigurie dhe sipërmarrës.

Të ndaluar janë Presidenti rus, Vladimir Putin, ministri i Punëve të Jashtme të Federatës ruse, Sergei Lavrov, ministri i Mbrojtjes i Federatës ruse, Sergei Shoigu, ish-presidenti i Rusisë dhe zëvendëspresidenti i Këshillit të Sigurisë ruse, Dmitri Medvedev dhe President i Republikës së Çeçenisë, Ramzan Kadyrov.

Ndryshe, në vendimin e qeverisë thuhet se këta janë persona që ofrojnë në mënyrë aktive mbështetje materiale ose financiare për vendimmarrësit rusë ose përfitojnë nga vendimmarrësit rusë.