Ukraina

Eksporti i grurit ukrainas ka filluar përmes Kroacisë

E enjte, 7 Shtator 2023 - 20:00 albinfo.ch

Gruri i Ukrainës ka filluar të eksportohet përmes Kroacisë, pasi portet e saja në Detin e Zi janë bllokuar për shkak të luftës me Rusinë, ka njoftuar zëvendëskryeministrja e parë dhe ministrja e Ekonomisë ukrainase, Julija Sviridenko, gjatë një takimi me kryeministrin kroat, Andrej Plenkoviq.

“Gruri ukrainas ka filluar të eksportohet përmes porteve kroate. Ne jemi mirënjohës për këtë mundësi. Kjo rrugë tregtare, edhe pse e kufizuar, është tashmë e njohur. Ne jemi gati ta zhvillojmë atë duke zgjeruar mundësitë e korridorit të transportit. Ne besojmë se kjo logjistikë, rruga do të luajë një rol të rëndësishëm në tregtinë dypalëshe midis vendeve tona edhe pas luftës”, ka thënë ajo.

Mediat ndërkombëtare kanë raportuar se në takim ata diskutuan gjithashtu rëndësinë e zgjidhjes së përbashkët të çështjes së kufizimeve në eksportet ukrainase, ndërsa në takim u ngrit edhe çështja e përshpejtimit të lokalizimit të prodhimit të pajisjeve për heqjen e minave, shkruan albinfo.ch.

“Ne diskutuam gjithashtu përgatitjet për konferencën e çminimit që do të mbahet në Zagreb në tetor të këtij viti. Kjo ngjarje e rëndësishme duhet të ndihmojë në koordinimin e përpjekjeve të partnerëve ndërkombëtarë për pastrimin e minave në vendin tonë”, tha Sviridenko.

 Të tjera nga Ukraina

Trump dhe Zelensky takohen në SHBA, aleatët evropianë dhe Kanadaja japin mbështetje për paqen

 E-Diaspora

 Jeta në Austri