Kryeministri i Kosovës takon zëvendësministrin e Punëve të Jashtme të Turqisë

Kryeministri i Kosovës, Albin Kurti, ka pritur sot në takim zëvendësministrin e Punëve të Jashtme të Turqisë, Mehmet Kemal Bozay, të shoqëruar nga ambasadori i Turqisë në Kosovë, Sabri Tunç Angılı dhe këshilltari i Presidentit Erdogan, Sabri Demiri, ka njoftuar Zyra e Kryeministrit, përcjell albinfo.ch.

Sipas njoftimit, në takim u konfirmua përkushtimi për avancimin e mëtejmë të marrëdhënieve tashmë shumë të mira ndërmjet dy shteteve.

“Kryeministri Kurti shprehu falënderimin e tij për mbështetjen e vazhdueshme të Turqisë, në çdo fazë të shtetformimit, shtetndërtimit dhe forcimit të subjektivitetit ndërkombëtar, duke theksuar se mirëpritet bashkëpunimin me kabinetin e ri të Presidentit të Turqisë, Rexhep Taip Erdogan. Fuqizimi i raporteve në fushën e ekonomisë, tregtisë dhe shëndetësisë, dhe planet e përpjekjet e dy palëve për të krijuar një forum ekonomik të përbashkët, ishin prej temave kryesore të diskutimit të sotëm”, thuhet në njoftim.