Çollaku: Emërimi i Fatmir Velajt si ambasador në Vjenë, jo i ligjshëm

“Zhgënjyes dekretimi i Fate Velaj si ambasador i Shqipërisë në Vjenë"

Deputeti i Partisë Demokratike, Kreshnik Çollaku, ka reaguar me anë të një statusi në Facebook në lidhje me dekretimin e ambasadorëve të rinj të Shqipërisë, përcjell albinfo.ch.

Ai e ka quajtur zhgënjyes emërimin e Fate  Velajt si ambasador të Shqipërisë në Vjenë, pasi, sipas tij, ky emërim vjen në shkelje të konventës së Vjenës.

Çollaku shkruan se arsyeja pse Velaj nuk duhet të emërohet ambasador është sepse ai është shtetas austriak, ndërsa e ka quajtur dekretimin nga ana e presidentit një “qokë politike” ndaj Ramës.

“Zhgënjyes dekretimi i Fate Velaj si ambasador i Shqipërisë në Vjenë”.

Emërimi i z. Fate Velaj vjen në shkelje të Konventës së Vjenës, nenit 8 të saj.

Zoti Velaj është shtetas austriak dhe Konventa e Vjenës e ndalon dekretimin e një ambasadori ne te njëjtin vend ku është shtetas.

Propozimin e z. Velaj si qoke politike nga shërbimet ndaj Ramës e kuptoj, çfarë në mënyrë zhgënjyese më çudit është konfirmimi i Presidentit të Republikës me këtë shkelje flagrante të konventave ndërkombëtare në emërimin e një ambasadori”, shkruan Çollaku.

 

 

---