Kosova
Ekspertët: Masat e BE-së ndaj Kosovës mund të sjellin dëme
Duket se “masat e paralajmëruara nga BE-ja e që kanë filluar të zbatohen në formë të sanksioneve kundrejt Kosovës, është më e keqja që mund t’i ndodhë vendit”, ka thënë eksperti i ekonomisë, Safet Gërxhaliu, përcjell albinfo.ch.
Vendi, sipas tij, gjendet në një pikë mjaft kritike “dhe në një realitet, i cili në të ardhmen do të jetë shumë vështirë të rikuperohet”.
“Në aspektin politik do të ketë ngufatje në perspektivë, ndërsa në aspektin ekonomik, do të ketë dëme shumë të mëdha, në aspektin integrues ngadalësim ose kthim në pikën zero, në aspektin social do të jenë vërtet trishtuese dhe kjo është fitorja më e madhe çka kanë mund ta arrijnë armiqtë e Kosovës. Fakti që kemi pezullim të disa fondeve, jemi të paralizuar në Marrëveshjen për Stabilizim-Asociim dhe shumë projekte të anashkaluara, është dëmi më i madh që i është bërë Kosovës”, tha Gërxhaliu.
Edhe njohësi i ekonomisë, Ardian Sahiti, thotë se pezullimi i fondeve të BE-së ndaj Kosovës, bazuar në praktikat e kaluara, do të ketë impakt negativ.
“Në këtë fazë të zhvillimit që ndodhet Kosova, pa dyshim se ka nevojë për një injektim të resurseve financiare. Duke u nisur nga këto situata, sanksionet e tilla do të kenë pasoja, nëse zgjaten për një kohë të gjatë”, tha Sahiti.
Aleanca Kosovare e Bizneseve, përmes një reagimi publik, thotë se nëse masat do të vazhdojnë deri në fund të vitit, Kosova mund të humbë mbi 500 milionë euro, investime dhe dëmtim të ekonomisë.
Bashkimi Evropian ka vendosur masa ndëshkuese ndaj Kosovës për shkak të mosshtensionimit të situatës në veri të vendit. Këto masa përfshijnë suspendimin e përkohshëm të punës së trupave të krijuara në bazë të Marrëveshjes së Stabilizim-Asociimit, suspendimin e të gjitha takimeve bilaterale me BE-në, pezullimi i mjeteve të IPA 2024 e të tjera.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?