Kosova
Lajçak flet për takimet që pati me Osmanin dhe Kurtin
“Diskutim i frytshëm, takim i gjatë dhe i sinqertë”
Raportohet se i dërguari i Posaçëm i Bashkimit Evropian për procesin e dialogut në mes Kosovës dhe Serbisë, Miroslav Lajçak, ka qëndruar dje në një vizitë zyrtare në Prishtinë, ku ka takuar presidenten e vendit, Vjosa Osmani dhe kryeministrin Albin Kurti, në përpjekje për të ulur tensionet në katër komunat e banuara me shumicë serbe në veri, përcjell albinfo.ch.
Lidhur me këto takime, ai ka shkruar në llogarinë e tij zyrtare në rrjetin social Twitter, ku ka thënë se me Osmanin ka pasur një diskutim të frytshëm për situatën në veri.
“Si pjesë e vizitës sime, u takova me presidenten Vjosa Osmani. Patëm një diskutim të frytshëm për situatën në veri të Kosovës dhe mundësitë e shtensionimit përgjatë kërkesës së BE-së të 3 qershorit, si dhe rëndësinë e koordinimit me miqtë dhe aleatët e Kosovës”, shkroi ai.
Ndërsa për takimin me Kurtin, emisari i BE-së thotë se ishte diskutim i gjatë, i sinqertë dhe i hapur
“Patëm një diskutim të gjatë, të sinqertë dhe të hapur me kryeministrin Albin Kurti. Përsëriti shqetësimet lidhur me situatën në veri të Kosovës, nevojën për deeskalim urgjent, zgjedhje të reja dhe kthim në dialog. E vlerësova shkëmbimin e thelluar mbi hapat konkretë”, shkroi Lajçak.
Kujtojmë se BE-ja vazhdimisht ka kërkuar nga Kosova dhe Serbia që të ndërmarrin hapa për shtensionimin e menjëhershëm të tensioneve dhe të kthehen në dialogun për normalizimin e raporteve, që ndërmjetëson Burkseli.
Për shkak të mospërmbushjes së këtyre kërkesave, BE-ja ka nisur së zbatuari disa masa ndëshkuese ndaj Kosovës.
Tensionet në veriun e Kosovës, të banuar me shumicë serbe, nisën kur kryetarët e rinj shqiptarë të Zveçanit, Zubin Potokut dhe Leposaviqit hynë në ndërtesat komunale nën përcjelljen e Policisë së Kosovës.
E-Diaspora
-
Me plis e me flamur kombëtar, preshevari diplomon në SHBA Shqiptari Shkëmbim Ademi ka vendosur që ceremoninë e diplomimit ta bëjë më ndryshe. ...
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtarë të Filmit në Gjenevë
-
Ardon Jashari largohet përfundimisht nga Lucerni
-
Liverpuli kërkon mbrojtësin shqiptar që luan në Gjermani
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi