Temperaturat shkojnë deri në 50 gradë në këtë shtet

Sipas agjencisë zyrtare iraniane IRNA, drejtori i përgjithshëm i Meteorologjisë Sistan-Baluchistan, Muhsin Haydari, tha se në qytetet Zahak dhe Hirmand temperatura e ajrit kanë arritur në 50 gradë, duke i bërë ato rajonet më të nxehta të vendit.

Sipas tij, në qytetin Zahidan, qendrën administrative të provincës, janë regjistruar 42 gradë. Haydari theksoi se temperatura e ajrit do të ulet nga e hëna me forcimin e erës.

Ai paralajmëroi qytetarët të mos dalin jashtë pa nevojë dhe të shmangin trafikun kur dukshmëria është e zvogëluar.

Drejtori i Përgjithshëm për Menaxhimin e Krizave në Sistan-Baluchistan, Majid Mohibbi, tha se më shumë se 1.000 persona u dërguan në spitale dhe qendra mjekësore, ndërsa një person humbi jetën për shkak të pluhurit të imët që solli stuhia në disa qytete.