Berat Thaqi, nga Zyra Zvicerane flet për platformën mbrojtëse ndaj diskriminimit të pakicave në Kosovë

Që nga themelimi i Platformës kombëtare për mbrojtje nga diskriminimi për komunitetet rom, ashkali dhe egjiptian, në muajin qershor 2022 dhe deri më tani, platforma ka pasur shumë angazhime dhe qasje në shumë forma mbrojtëse, përcjell albinfo.ch.

Berat Thaqi, nga Zyra Zvicerane për Bashkëpunim në Kosovë në fjalimin e tij, fillimisht i është referuar kontekstit historik të fenomenit të diskriminimit.

“Komunitetet rom, ashkali dhe egjiptian në Kosovë kanë përjetuar historikisht diskriminim të gjerë dhe përjashtim social. Këto komunitete shpesh u nënshtrohen gjuhës së urrejtjes ose termave nënçmuese në kontekste të ndryshme. Fatkeqësisht, shumë viktima zgjedhin të mos raportojnë raste të tilla për shkak të mungesës së besimit tek institucionet. Gratë që i përkasin këtyre komuniteteve përballen me forma të shumta diskriminimi, duke përfshirë shkallën më të lartë të martesave të hershme të detyruara dhe dhunës në familje, në krahasim me komunitetet e tjera”, ka deklaruar ai.

Ai ka shtuar se Zyra Zvicerane, e ka mbështetur pa hezitim platformën, duke e quajtur mjet efektiv në adresimin e këtij fenomeni negativ.

Thaqi njëkohësisht ka inkurajuar Qeverinë që të ndërmarrë hapa të mëjetshëm në luftimin e diskriminimit.