Lajme
PS e St.Gallenit propozon Arbër Bullakajn kandidat për Dhomën e Kantoneve
Bullakaj ka bërë emër në gjithë Zvicrën si kryetar i iniciativës për natyralizim të lehtësuar "Aktion Vierviertel" dhe bashkë-iniciator i Iniciativës për Demokraci
Menjëherë pas raundit të dytë (30 prill) të zgjedhjeve për mbushjen e vendit bosh në Dhomën e Kantoneve të Parlamentit të Zvicrës, drejtuesit kantonalë t të PS-së (Partia Socialdemokrate) të St.Gallenit vendosën që PS të kandidojë sërish për zgjedhjet e kësaj dhome, që mbahen më 22 tetor 2023, shkruan albinfo.ch.
Lidhur me këtë vendim, kuvendi i partisë duhet të nominojë një kandidat. Dhe, është shumë fat për PS-në që Arbër Bullakaj, sipërmarrës nga Willi, dhe tashmë kandidat për Dhomën Nacionale të Parlamentit, po vihet në dispozicion si kandidat për Dhomën e Kantoneve, shkruan mediumi hallowil.ch.
Arbër Bullakaj njihet si një politikan i përkushtuar i migracionit. Para së gjithash ai ka bërë emër në gjithë Zvicrën si kryetar i iniciativës për natyralizim të lehtësuar “Aktion Vierviertel” dhe bashkiniciator i Iniciativës për Demokraci.
Më parë, politikani me rrënjë shqiptare nga Kosova ishte anëtar i Parlamentit të qytetit të Wilit për shtatë vjet dhe nënkryetar për gjashtë vjet i degës së PS-së për Kantonin St.Gallen.
Brenda PS-së në nivel të Zvicrës, Arbër Bullakaj ka qenë anëtar i bordit ekzekutiv kombëtar për disa vjet dhe më pas anëtar i këshillit të partisë dhe anëtar i bordit ekzekutiv të PS Migrants:innen Schweiz.
Përveç nominimit për zgjedhjet për Dhomën e Kantoneve, Kantoni i PS-së i St.Gallen do të marrë vendime përfundimtare edhe për zgjedhjet e Dhomës Nacionale. Kuvendi i partisë më 3 qershor 2023 do të vendosë për renditjen e kandidatëve në lista, do të miratojë buxhetin zgjedhor dhe do të përcaktojë lidhjet e listave.
Duke u prononcuar pas këtij njoftimi, Bullakaj ka shkruar në një postim në fb, si vijon: “Dëshiroj të falënderoj sinqerisht GL të PS St. Gallen që, në konferencën e partisë, më propozoi si kandidat për Dhomën e Kantoneve, transmeton albinfo.ch . Do të ishte kënaqësi dhe nder për mua të jem fytyra e PS-së në këtë dhomë në këtë vjeshtë dhe shpresoj për shumë mbështetje në kuvendin e partisë.
Paul Rechsteiner (politikani, pas dorëheqjes së të cilit PS ka mbetur pa një vend në Dhomën e Kantoneve) ka lënë gjurmë të mëdha me punën e tij jashtëzakonisht të vlefshme. Me fushatën e saj të madhe për Dhomën e Kantoneve Barbra Gysi (e cila humbi nga kandidatja e SVP-së) tregoi se çfarë do të thotë shpirt luftarak. Ndaj jam i vetëdijshëm që pritshmëritë për një kandidaturë kaq të rëndësishme janë të mëdha dhe do të bëj çmos për t’i përmbushur ato”, ka thënë Bullakaj.
Para Arbër Bullakajt, deri më tani, në kantone të ndryshme të Zvicrës janë nominuar pesë politikanë/e me rrënjë shqiptare, shkruan albinfo.ch. Fjala është për kandidatë/et: Afërdita Bogiqi, Islam Alijaj, Përparim Avdili, Reis Luzhnica dhe Gzim Hasanaj.
Vken të theksohet me këtë rast se nga të pestët, vetëm Afërdita Bogiqi nga Kantoni Valis dhe tani, Bullakaj nga St.Galleni janë nominuar për në Dhomën e Kantoneve, shkruan albinfo.ch. Të tjerët kandidojnë për Dhomën Nacionale.
Dhoma e kantoneve, ndryshe nga Dhoma Nacionale, përfaqëson kantonet. Ajo përbëhet nga 46 përfaqësues nga të gjitha kantonet. Nga një deputet zgjidhet në “gjysmë-kantonet”: Obwalden, Nidwalden, Basel-Stadt, Basel-Landschaft, Appenzell Ausserrhoden dhe Appenzell Innerrhoden, ndërsa nga dy në secilin nga kantonet e tjera. Kështu, Kantoni i Cyrihut, me mbi një milion banorë, zgjedh dy anëtarë të Dhomës së kantoneve ashtu sikurse kantoni i Urit, i cili ka rreth 35,000 banorë.
Dhoma Nacionale përfaqëson qytetarët, gjegjësisht deputetetët zgjidhen sipas numrit të banorëve dhe jo sipas përkatësisë së kantoneve.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?