BE-ja kërkon zgjidhje pas ndalimit të importit të drithrave nga Ukraina

Pixabay: Ilustrim

Polonia, Hungaria, Sllovakia dhe Bullgaria kanë ndaluar importin e drithit dhe të produkteve të tjera nga Ukraina, masë kjo që shkel ligjet e Baahkimit Evropian.

“Tregu është i mbingarkuar me drithë. Vetë prodhimi ynë ka një vlerë prej miliarda dollarësh, dhe mendojmë se do të jetë e vështirë të shitet, nëse nuk marrim masa”, tha Yavor Gechev, ministër i Bujqësisë i Bullgarisë, raporton Zëri i Amerikës. “Masat e njëanshme nuk janë të mundura, sipas politikës për tregtinë të BE-së”, tha Miriam Garcia Ferrer, zëdhënëse e Komisionit Evropian, përcjell albinfo.ch.

Madje, pas kësaj, fermerët e vendeve kufitare me Ukrainën kanë protestuar.

“Do të përjetojmë një zinxhir falimentimesh të fermerëve rumunë”, tha Liliana Piron, nga Lidhja e Shoqatave të Prodhuesve të Bujqësisë të Rumanisë, pëcjell albinfo.ch.

Bashkimi Evropian hoqi tarifat dhe kuotat për importin e ushqimeve nga Ukraina dhe Brukseli thotë se ndalimi i importeve shkel ligjet. Kështu po përgatitet një marrëveshje për të ndihmuar fermerët e prekur. Ndihma financiare pritet të jetë 109 milionë dollarë.

Për fermerët ukrainas, ndalimi i importeve shton vështirësitë e shkaktuara nga sulmi i Rusisë. “Do të doja që fermerët dhe lobi i bujqësisë në vendet e Evropës Lindore të kuptojnë se ne përballemi me probleme të ngjashme. Nuk kërkojmë subvencionime, nuk duam asgjë të këtillë. Vetëm na ndihmoni të shesim produktet tona”, thotë Volodymyr Bondaruk, drejtor ekzekutiv në fermën ukrainase “Perla e Podillias”, raporton Zëri i Amerikës.

Nalimi i importit të drithrave nga Ukraina në vendet e Bashkimiz Evropian mund t’i shërbejë Rusisë në objektivat e saj, përcjell albinfo.ch.