Sllovakia dërgon 13 avionë luftarakë MiG-29 në Ukrainë

pixabay

Sllovakia ka përfunduar transferimin e 13 avionëve të saj luftarakë MiG-29 në Ukrainë, tha të hënën ministri i Mbrojtjes i vendit, Jaroslav Nad’.

Sllovakia kishte njoftuar tashmë transferimin e katër nga 13 avionët në mars, pasi pilotët ukrainas udhëtuan në vend dhe i fluturuan në Ukrainë. Nëntë avionët e mbetur u dërguan nga toka.

“Ky transferim është kryer nga toka, për të ruajtur nivelet më të larta të sigurisë”, tha Nad’ në llogarinë e tij zyrtare në Facebook.

“Faleminderim të madh për të gjitha forcat e përfshira në këtë operacion logjistik të rëndësishëm dhe kërkues”.

Nad’ vazhdoi duke thënë se avioni MiG-29 do të jetë një mbështetje e rëndësishme për Ukrainën në mbrojtjen e saj kundër agresionit ushtarak të Rusisë.

“Ne po bëjmë gjënë e duhur”, tha ai.