Pjesa lindore e Bakhmut kontrollohet nga Rusia, pjesa perëndimore nga Ukraina

Keystone EPA/ROMAN PILIPEY

Luftimet në Bakhmut në Ukrainë janë duke vazhduar. Ministria e Mbrojtjes së Britanisë së Madhe ka njoftuar se grupi paraushtarak Wagner kontrollon pjesën lindore të qytetit, derisa pjesë tjetër kontrollohet nga Ukraina.

Në njoftimin e ministrisë thuhet se forcat ruse po tentojnë të përparojnë drejtë pjesës perëndimore të Bakhmutit që kontrollohet nga ushtria ukrainase, shkruan Zëri i Amerikës, përcjell albinfo.ch.

Për Rusinë, marrja nën kontroll e qytetit do të thotë një hap më shumë drejt kontrollit në gjithë rajonin e Donbasit.

Në Kiev të premten është rikthyer furnizimi me energji elektrike pasi sulmet kishin shkatërruar infrastrukturën.

Pas sulmeve ajrore të Rusisë në gjithë Ukrainën, nga autoritetet vendase njoftua se furnizimi me energji elektrike është kryer në rajonin e Odesas, porse është dëmtuar infrastruktura rëndë në rajonet e Kharkivit dhe Zhytomyrit, shkruan Zëri i Amerikës, përcjell albinfo.ch.