Kosova
Takimet e Lajçakut me opozitën për Planin Evropian
I dërguari i Bashkimit Evropian për dialogun Kosovë – Serbi, Miroslav Lajçak, ka takuar gjatë së premtes krerët e partive opozitare në vend, për t’i informuar me pritjet e ndërkombëtarëve për takimin e 18 marsit, që ka synim nënshkrimin e një marrëveshjeje mes Kosovës dhe Serbisë për normalizim të marrëdhënieve.
Lajçak është shprehur optimist se partitë do të mbështesin planin evropian. “Është e rëndësishme që të takohem me partitë opozitare, u takova me PDK, LDK dhe AAK-në dhe i informova për procesin, për pritjet e komunitetit ndërkombëtar dhe ata sqaruan qëndrimet e tyre. E gjitha ishte përgatitje për takimin më 18 mars. Është e rëndësishme që këto t’i dëgjojnë nga unë, jo nga mediat e në Kuvend, prandaj ishte i suksesshëm takimi. Jam optimist se do ta mbështesin marrëveshjen”, është shprehur emisari evropian.
Por, për Partinë Demokratike të Kosovës plani i publikuar më 27 shkurt, për të cilin kryeministri i Kosovës, Albin Kurti, është dakorduar në Bruksel, nuk do të marrë mbështetje nëse shkon në Kuvendin e Kosovës për ratifikim. “Në diskutimet për marrëveshjen e propozuar Lajçakut ia shpreha edhe një herë qëndrimin e PDK-së, rezervat që i kemi sa i përket marrëveshjes, për arsye të cilat i kemi diskutuar edhe në të kaluarën. Ne kemi qenë mbështetës të procesit të dialogut duke pritur një përfundim që sjell marrëveshje finale, njohje të ndërsjellë. Ky ka qenë jo vetëm qëndrimi ynë, po edhe qasja e partnerëve ndërkombëtarë. Fatkeqësisht ajo që kemi sot në tavolinë është një marrëveshje e përkohshme, jo me njohjen e ndërsjellë, por me Asociacionin në qendër”, ka thënë Memli Krasniqi, kryetar i Partisë Demokratike të Kosovës, pas takimit me ndërmjetësuesin Lajçak.
Edhe kreu i Lidhjes Demokratike të Kosovës, Lumir Abdixhiku, ka thënë që nuk e mbështet një marrëveshje që nuk ka në qendër njohjen reciproke mes të dyja vendeve. “LDK-ja përsërit se Kosovës i duhet një marrëveshje e përqendruar te njohja e ndërsjellë dhe se asnjë marrëveshje tjetër nuk garanton normalizim të marrëdhënieve Kosovë – Serbi. Heqja dorë nga njohja është përgjegjësi e drejtpërdrejtë e kryeministrit Kurti dhe e institucioneve të tjera kushtetuese të Kosovës”, ka shkruar Abdixhiku.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë