Apartamenti më i lirë në Zvicër, 570 franga

Foto ilustrim: Brandon Griggs

Studimet e fundit flasin për një rritje të numrit të banorëve në Zvicër, por edhe për një mungesë të ndërtimeve, kjo sipas studiuesve duhet të trajtohet me emergjencë. Megjithatë ky fenomen është i shprehur vetëm në qytetet e mëdha, si Cyrihu e Gjeneva.

Një situatë krejt ndryshe është në rajonet e tjera të Zvicrës. Në një reklamë që ka identifikuar gazeta “SonntagsZeitung”, apartamenti më i lirë është 570 franga, e kostot shtesë arrijnë rreth 125 franga. Por, ky apartament me katër dhoma që është i lirë tash e pesë muaj është në Perrefitte pranë Moutier në Jura Bernese.

Për të gjithë ata që duan të zhvendosen qiraja e parë është falas. Apartamenti ka pesë muaj që është bosh për shkak se kërkesa po bie në këtë rajon dhe po shtohet në tjerat.

Perrefitte mund të arrihet në tridhjetë minuta me makinë nga Biel, Bern dhe është një orë e gjysmë me makinë deri në Cyrih. Transporti publik është disavantazh, pasi autobusi për në stacionin Moutier shkon rrallë./ SonntagsZeitung