Diplomati amerikan: Kosova do të pajtohet me themelimin e Asociacionit

Diplomati amerikan në pension, Michael Kirby, ka thënë se Kosova do të pranojë themelimin e Asociacioni të komunave serbe, por që sipas tij, një gjë e tillë nuk do të vendoset javën e ardhshme, përcjell albinfo.ch.

“Mendoj se Kosova do të pajtohet me themelimin e Bashkësisë së Komunave me shumicë serbe – nëse arrihet një marrëveshje për propozimin evropian për normalizim. Ajo do të vonohet sa më shumë që të jetë e mundur – edhe pse tashmë është një çështje e dakorduar, zbatimi i së cilës është bërë i dhimbshëm. Unë nuk pres që një vendim mund të merret javën e ardhshme – sepse diçka e tillë kërkon një mirëkuptim themelor. Kur është fjala për kthimin e serbëve në institucionet e Kosovës – kjo do të ndodhë sapo Beogradi të sinjalizojë se ata duhet ta bëjnë këtë. Për këtë duhet të ndodhë diçka që do të përdoret si arsye për të tërhequr një lëvizje të tillë”, thotë për Zërin e Amerikës diplomati në pension, Michael Kirby.

Ai po ashtu tha se arritja e një marrëveshje mes Kosovës dhe Serbisë do të jetë ndihmë e madhe më Evropën.

Ky fakt është i rrënjosur thellë në mendjet e evropianëve dhe amerikanëve. Të dyja palët besojnë se nuk është mirë të bësh rrëmujë në oborrin tënd. Zgjidhja e mosmarrëveshjes ndërmjet Kosovës dhe Serbisë do të ishte një ndihmë e madhe për Evropën. Megjithatë, nuk është e mundur të detyrohen pjesëmarrësit ta bëjnë këtë. Ata duhet të inkurajohen – por ju nuk mund t’i detyroni ata. Kjo është një mundësi reale që u jep mundësinë pjesëmarrësve të zgjedhin anën e duhur”, është vlerësimi i ish-ambasadorit amerikan në Serbi, Michael Kirby,  i cili ka shërbyer në Beograd nga viti 2012 deri në vitin 2016.