Borrell, me shpresë që Kosova e Serbia do ta pranojnë planin evropian

Përfaqësuesi i Lartë i Bashkimit Evropian për Punë të Jashtme dhe Politikë të Sigurisë, Josep Borrell, ka thënë se shpreson që Kosova dhe Serbia të pranojnë propozimin evropian, si rrugë për normalizim të marrëdhënieve.
Borrell për “Deutche Welle” është shprehur se i ka ftuar në takim për 27 shkurt kryeministrin e Kosovës, Albin Kurtin dhe me presidentin serb, Aleksandar Vuçiq.
“Jam takuar me presidentin e Serbisë, Aleksandar Vuçiq dhe me kryeministrin e Kosovës, Albin Kurti. Do të takohem me të dy në Bruksel më 27 shkurt, po i kam ftuar për të pasur një ditë të plotë diskutime. Është një propozim në tryezë. Shpresoj që ata të jenë në gjendje ta pranojnë këtë propozim si rrugë për t’i normalizuar marrëdhëniet mes tyre”, është shprehur Borrell.