Zviceranët, të kënaqur me vitin 2022

Për këtë studim, në janar janë intervistuar në internet 1,238 persona të moshës 15 deri në 79 vjeç, nga e gjithë Zvicra

Më shumë se gjysma e popullsisë zvicerane e vlerëson si të kënaqshëm vitin e kaluar, 2022. Sipas një studimi të realizuar nga instituti kërkimor Link, 59 për qind të të anketuarve e kanë vlerësuar vitin 2022 si mjaft të mirë ose shumë të mirë.

Më tutje, duke parë në retrospektivë, 15 për qind e kanë vlerësuar vitin 2022 si vit si “mjaft të keq” ose “shumë të keq”.

26 për qind të pjesëmarrësve në sondazh kishin vlerësim neutral për vitin e kaluar.

Në sondazhin e realizuar në janar të vitit 2023, 83 për qind janë shprehur se ishin të lumtur. Ndërsa në janarin e vitit 2022, vlera ishte 80 për qind.

Në janarin që sapo shkoi, për studimin e përmendur janë intervistuar në internet 1,238 persona të moshës 15 deri në 79 vjeç, nga e gjithë Zvicra.

---