Ukraina
Ukraina kërkon nga Perëndimi avionë luftarakë
Ministri i Mbrojtjes i Ukrainës, Oleksii Reznikov, shprehu besimin në sigurimin e një marrëveshjeje mes aleatëve perëndimorë për kërkesën e fundit të vendit të tij, avionë luftarakë për të luftuar forcat ruse që sulmuan Ukrainën një vit më parë.
Zoti Reznikov tha në një konferencë shtypi në Kiev të dielën se Ukraina ka marrë tashmë gjithçka që i nevojitej, përveç avionëve. Ai parashikoi me besim se vendi i tij do të arrijë t’i marrë këta avionë.
Deri më tani, Ukraina ka fituar mbështetje nga vendet baltike dhe Polonia në përpjekjen e saj për të marrë avionë luftarakë perëndimorë. Por disa udhëheqës perëndimorë kanë shprehur shqetësimin se ofrimi i tyre mund të provokojë Kremlinin dhe t’i tërheqë vendet e tyre, më thellë në konflikt.
Komentet e zotit Reznikov vijnë ndërsa Moska lëshoi dy raketa në drejtim të qytetit ukrainas, Kharkiv, të dielën, një prej të cilave goditi një ndërtesë banimi. Kievi njoftoi se si pasojë u plagosën 5 persona.
Të shtunën, Presidenti ukrainas, Volodymyr Zelenskyy, tha se situata po bëhet edhe më e ashpër në Ukrainën lindore, për shkak të një vale të re bombardimesh ruse, në rajonet Chernihiv, Zaporizhia, Dnipropetrovsk, Kharkiv, Luhansk, Donetsk dhe Mykolaiv.
Në fjalimin e tij të përnatshëm, udhëheqësi ukrainas tha se Rusia “po i hedh gjithnjë e më shumë në sulm forcat e saj, me synimin për të shkatërruar mbrojtjen ukrainase”./VOA
Të tjera nga Ukraina
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?