Mediat ndërkombëtare: Biden i ka ‘ofruar’ Putinit 20% të territoreve ukrainase

Mediat perëndimore kanë dalë me një opsion të ri në lidhje me alternativat se si mund të përfundojë lufta në Ukrainë, e cila tashmë për disa ditë bën një vit të plotë.

Sipas Newsweek që citon mediane zvicerane NZZ, shefi i CIA-s, William Burns, i ka ofruar presidentit Vladimir Putin 20% të territorit të Ukrainës për t’i dhënë fund luftës si pjesë e një plani paqeje të hartuar në emër të presidentit Joe Biden.

Zyrtarë gjermanë të rangut më të lartë që kanë folur për mediat, deklarojnë se Burns e ka ofruar këtë plan të ri për paqen në mes të muajit janar.

Oferta për Moskën është kontrolli i afërsisht gjysmës së territorit lindor të Donbasit, ndërkohë që Kievi e ka refuzuar këtë gjë, duke shtuar se nuk ka ndërmend të ofrojë asnjë centimetër tokë.