Lajme
Prishtina mbetet destinacioni kryesor nga Aeroporti i Bazelit
Kryeqyteti i Kosovës renditet përpara Londrës, Stambollit, Amsterdamit dhe Barcelonës
Aeroporti binacional (Zvicër-Francë) po rimëkëmbet nga pandemia. Kështu, në vitin 2022, 7 milionë pasagjerë fluturuan nga Euroaeroporti Basel-Mulhouse, ka njoftuar menaxhmenti i EAP për mediat të enjten, transmeton albinfo.ch. Krahasuar me një vit më parë, kjo është një rritje prej 94 për qind.
Megjithatë, krahasuar me 2019-ën, vitin e fundit “normal” para Koronës, minusi është ende 23 për qind.
Kur bëhet fjalë për destinacionet, Prishtina është ende në krye të listës. Kështu, kryeqyteti i Kosovës renditet përpara Londrës, Stambollit, Amsterdamit dhe Barcelonës shkruan bz.ch.
Kryeqyteti kosovar Prishtina ka qenë cak i 520,000 pasagjerëve, i ndjekur nga ish-lideri Londra me 389,000 pasagjerë dhe Stambolli me 380,000 pasagjerë.
Edhe Easyjet vazhdon të dominojë mes linjave ajrore. Kjo kompani ajrore me kosto të ulët ka një pjesë të tregut prej mbi 58 për qind nëkëtë aeroport, transmeton albinfo.ch. Wizz Air (që ka 11 për qind), e specializuar në Evropën Lindore, si dhe Sun Express, Enter Air dhe Corendon vijojnë në listë, secila me një pjesë tregu prej rreth 3 përqind.
Në Easyjet, megjithatë, numri i pasagjerëve ka pësuar rënie për rreth një të katërtën në krahasim me vitin 2019. Rivali i tij, Wizz Air, nga ana tjetër, ishte në gjendje të rritej. Rënie të lehtë ka shënuar edhe trafiku i mallrave nga Basel-Mulhouse.
Aeroporti gjithashtu ka ofruar sot një perspektivë për vitin aktual, përcjell albinfo.ch. Sipas saj, priten 7.4 milionë pasagjerë – që është larg nga viti rekord 2019 kur kishte mbi 9 milionë pasagjerë.
Të ngjashme
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?