Ukraina pritet ta kërkojë përjashtimin e Rusisë nga Këshilli i Sigurimit

EPA/SERGEY DOLZHENKO

Kievi pritet të kërkojë, këtë të hënë, përjashtimin e Rusisë nga Këshilli i Sigurimit të Kombeve të Bashkuara.

Ishte ministri i Punëve të Jashtme i Ukrainës, Dmytro Kuleba, ai i cili bëri me dije të dielën se Kievi zyrtar do t’i kërkojë që Rusisë t’i hiqet statusi si anëtare e përhershme e Këshillit të Sigurimit të OKB-së.

“Nesër ne do ta shprehim zyrtarisht qëndrimin tonë. Ne e kemi një pyetje shumë të thjeshtë: A ka Rusia të drejtë të mbetet anëtare e përhershme e Këshillit të Sigurimit dhe thjesht të jetë në Kombet e Bashkuara?”, tha Kuleba.

Kujtojmë se pesë anëtaret e përhershme të Këshillit të Sigurimit, Franca, Britania e Madhe, Kina, Rusia dhe SHBA-ja, kanë të drejtën e përdorimit të vetos për të bllokuar çfarëdo rezolute./Reuters