Shefi i Red Bullit, Mateschitz, i dha secilit punëtorë nga 3 mijë euro si dhuratë lamtumire

Mijëra punonjës të Red Bull në Austri morën gjithashtu një bonus me pagën e tetorit.

Më shumë se 2,000 punonjës të Red Bullit në Austri morën një bonus prej 3,000 euro me pagën e tyre të tetorit – pa taksa. Siç tha një punëtore e Red Bullit për “Salzburger Nachrichten”, informacioni për pagesën u është dhënë atyre para se të vdiste, Dietrich Mateschitz, aksionari kryesor i kompanisë së pijeve energjike, Red Bull. “Sigurisht që jemi shumë të lumtur për këtë”, tha ajo, transmeton albinfo.at

Një punëtor tjetër raporton se “Bonusi për shtrejtimin e jetesës” është transferuar këtë javë. “Thuhet se ai e ka dekretuar këtë para se të vdiste. Kështu ishte ai, shefi”, shprehet punëtori.

Bonusi iu dhurua punëtorëve pa taksa

Bonusi ka të bëjë me vendimet e Qeverisë së Austrisë, e cila, si pjesë e masave kundër inflacionit, u ofronte kompanive mundësinë për të transferuar bonuse deri në 3000 euro për punëtorët e tyre. Këto para paguhen pa taksa. Dhe në fakt, në fund të tetorit, mijëra punëtorë të Red Bullit në Austri e prisnin me padurim një rregullim të inflacionit në listën e tyre të pagave. Primia është një instrument që e përdorin edhe kompanitë e tjera, por rrallë në masën e plotë.

Në deklaratën zyrtare nga Red Bull thuhet: “Ju lutemi të kuptoni që ne nuk komentojmë brenda kompanisë publikisht.” Të paktën u vërtetua se “ne kemi shfrytëzuar mundësitë ligjore në këtë drejtim”, thuhet në deklaratën e kompanisë Red Bull, përcjell albinfo.at

---