Futboll

Man Utd lë jashtë Ronaldon për ndeshjen ndaj Chelseat

E enjte, 20 Tetor 2022 - 19:20 albinfo.ch
Keystone EPA/PETER POWELL.

Erik ten Hag e ka dënuar Cristiano Ronaldon, duke e lënë jashtë skuadrës për ndeshjen e të shtunës ndaj Chelseat.

“Cristiano Ronaldo nuk do të jetë pjesë e skuadrës së Manchester Unitedit për ndeshjen e kësaj të shtune ndaj Chelseat. Pjesa tjetër e ekipit është tërësisht e fokusuar në përgatitjet për atë takim”, thuhet në njoftimin zyrtar të Djajve të Kuq.

Vendimi vjen pasi 37-vjeçari u largua drejt tunelit pa përfunduar sfida e të mërkurës ndaj Tottenham Hotspur.

Superylli portugez ishte një zëvendësues i papërdorur në Old Trafford dhe nuk i pëlqeu të qëndronte gjatë gjithë kohës në bankën rezervë.

Prandaj, disa minuta pa përfunduar ndeshja, Cristiano u pa duke shkuar drejt zhveshtores i revoltuar me zgjedhjet e trajnerit.

 Të tjera nga Futboll

Erjon Tasholli, ylli i ardhshëm i futbollit evropian

 E-Diaspora

 Jeta në Austri