Ministria e Jashtme e Kosovës njofton shtetasit që udhëtojnë drejt Malit të Zi

Ministria e Punëve të Jashtme dhe Diasporës ka njoftuar të gjithë shtetasit e Republikës së Kosovës se për kalimin kufitar në Malin e Zi, edhe fëmijët nën moshën 18-vjeçare duhet të jenë të pajisur me një dokument të vlefshëm udhëtimi.

Mali i Zi ka pezulluar vendimin e mëparshëm, në bazë të të cilit fëmijët nën moshën 18-vjeçare nga Republika e Kosovës janë lejuar të kalojnë kufirin vetëm me certifikatë të lindjes, transmeton Albinfo.ch.

“Vendimi për hyrjen në Malin e Zi të të gjithë shtetasve të Republikës së Kosovës, përfshirë edhe të miturit, vetëm me dokumente të vlefshme udhëtimi, është tashmë në fuqi”, thuhet në njoftim.