Muzikë
Mediat ndërkombëtare shkruajnë për rikthimin e Sunny Hill në Prishtinë
Qeveria e Kosovës dhe autoritetet e kryeqytetit i kanë bashkuar forcat të hënën për të sjellë në shtëpi festivalin ndërkombëtar muzikor të themeluar nga babai i Dua Lipës, i cili ishte zhvendosur pas një mosmarrëveshjeje me organizatorët– shkruan Associated Press.
Një javë më parë, Sunny Hill Festival njoftoi se po zhvendosej në Shqipërinë fqinje, pasi një mosmarrëveshje politike midis partisë në pushtet të Kosovës dhe partisë në pushtet në Prishtinë, i pengoi organizatorët të merrnin lejen për të mbajtur festivalin, i cili ka një kapacitet ditor prej 15.000 – thuhet tutje në artikull.
Dukagjin Lipa, babai dhe menaxheri i këngëtares, i cili ka lindur në Kosovë, tha se ai kishte marrë një vendim ‘të vështirë por të nevojshëm’ për të organizuar ngjarjen e 4-7 gushtit në kryeqytetin e Shqipërisë, Tiranë.
Organizatorët kanë kërkuar nga autoritetet kosovare për tre vjet që t’i lejojnë ata të menaxhojnë një sipërfaqe prej 17 hektarësh të parkut ku ata thonë se do të ndërtojnë infrastrukturën e duhur për festivalin vjetor dhe gjithashtu do ta lënë atë të përdoret lirisht për pjesën tjetër të vitit.
Një deklaratë e përbashkët nga Ministria e Kulturës dhe Komuna e Prishtinës të hënën tha se ata kanë rënë dakord që edicionin e këtij viti ta mbajnë në një lokacion në Prishtinë — “ku i takon” — dhe gjithashtu të vazhdojnë të diskutojnë për mbajtjen e festivalit në vendin e tij të zakonshëm duke filluar nga viti i ardhshëm – vazhdon artikulli i AP që është shpërndarë nga shumë media të tjera ndërkombëtare.
Një edicion special me një formacion ndryshe artistësh do të mbahet në kryeqytetin e Shqipërisë, Tiranë, nga data 26-28 gusht.
Organizatorët thanë se artistët e këtij viti do të përfshijnë Diplo, Skepta, DJ Regard, AJ Tracey, Mahmood dhe interpretues shqiptarë, gjithashtu do të përfshijnë “dy artistë të mëdhenj botërorë” që ende nuk janë zbuluar.
Festivali Sunny Hill bëri debutimin e tij në kryeqytetin e Kosovës, Prishtinë, në vitin 2018 dhe u mbajt sërish në vitin 2019, duke tërhequr artistë ndërkombëtarë, përfshirë Dua Lipën. Festivali i ka sjellë Kosovës publicitet të paçmuar. Ngjarja u pezullua në 2020 dhe 2021 për shkak të pandemisë.
Të ngjashme
Të tjera nga Muzikë
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri