Lajme
“Bolero në vilën e pleqve”, arti shqiptar i promovuar në festivalin e filmit në Gjenevë
Pjesëmarrja e dy filmave shqiptarë erdhi si rrjedhojë e bashkëpunimit mes shoqatës “Komuniteti shqiptar në Zvicër”
Më 14 qershor dhe më 18 qershor, në Festivalin Ndërkombëtar të Filmit Oriental në Gjenevë janë shfaqur filmat: “Ditë e kuqe”, përkatësisht “Bolero në vilën e pleqve”, të dy këta prodhime artistike nga kinematografia shqiptare.
Në mesin e shumë filmave nga shtete të ndryshme të botës, përfaqësimi i komunitetit artistik shqiptar në këtë festival u cilësua si një frymë e re dhe e nevojshme në aspektin e promovimit kulturor-artistik.
Pjesëmarrja e këtyre filmave erdhi si rrjedhojë e bashkëpunimit mes shoqatës “Komuniteti shqiptar në Zvicër”, të udhëhequr nga Afërdita Krasniqi dhe njërit nga anëtarët e stafit organizues të FIFOG, aktorit dhe piktorit Ramë Beqiri.
Albinfo.ch ka ndjekur për së afërmi premieren e filmit “Bolero në vilën e pleqve”, me ç`rast ka takuar Ramë Beqirin dhe njërën ndër aktoret kryesore që luan personazhin e Irenës, Gentiana Ramadani.
“Ky është edicioni i 17-të i festivalit. Për herë të parë, vitin e kaluar kishim një film përfaqësues shqiptar nga Fatos Berisha, ndërsa këtë vit vijmë me dy filma, “Dita e kuqe” me regji të Besim Ugzmajlit dhe “Bolero në vilën e pleqve” nga Spartak Pecani. Si anëtar, do të përpiqem që edhe në vazhdimësi të sjellim filma shqiptarë nëpër festivale ndërkombëtare”, thotë Ramë Beqiri për albinfo.ch.
Ai tregon më tutje se përzgjedhja e filmave është bërë në bashkëpunim me komunitetin shqiptar, duke u bazuar në suksesin e tyre, duke vlerësuar lart lojën e aktorëve, e po ashtu me qëllimin që tematikat që trajtohen të kenë ndikim dhe të pëlqehen nga publiku.
“E veçanta e filmit “Bolero në shtëpinë e pleqve” qëndron në dramën psikologjike që përjetohet nga personazhet, botën e pleqve që duan njëri-tjetrin dhe të vajzës që sfidohet nga “rregullat” morale shoqërore duke u bazuar në orientimin e saj seksual”. Kështu shtjelloi temën e filmit aktorja Gentiana Ramadani për albinfo.ch.
Për të është e rëndësishme që këto probleme shoqërore të pasqyrohen përmes filmave, sepse kemi të bëjmë me një realitet shoqëror të kohëve të sotme.
Gjatë premierës së filmit që u dha në kinemanë “Grutli”, u prezentua edhe përkthimi i librit “Opuscule de l’amour” i Shpëtim Selmanit. Ky libër (në shqip: Libërthi i dashurisë”) është përkthyer nga Festa Camaj dhe është botuar nga shtëpia Belleville Editions. Libri flet për lidhjen prindërore, marrdhënia e personazhit me vendin e tij, letërsinë bashkëkohore dhe dashuritë e kaluara.
Ramë Beqiri, në cilësinë e stafit organizues premtoi që do të punojë vazhdimisht rreth avancimit dhe promovimit te mëtutjeshëm të talenteve dhe realizimeve shqiptare nga fusha artistike në Zvicër.
(Teksti dhe fotot: Alisa Buzhala)
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë