Lajme
Prilli, muaji kur Europa u përball me një rritje të inflacionit
![](https://www.albinfo.at/wp-content/uploads/files/Inflacion45.jpg)
Gjatë muajit prill shtetet europiane janë përballur me një rritje te çmimeve ndikuar nga Covid 19 dhe lufta.
Inflacioni do të vazhdojë të përshpejtohet në muajt e ardhshëm në Francë, duke ndikuar në besimin e familjeve dhe fuqinë blerëse.
Instituti Kombëtar i Statistikave beson se “mburoja tarifore” për gazin, energjinë elektrike dhe “zbritja e çmimeve të karburanteve” vendosur nga qeveria kanë kufizuar dëmin.
Me një normë prej 5.4%, Franca është më pak e prekur krahasuar me disa shtete fqinje të saj. Sipas Zyrës statistikore të Bashkimit Europian, Eurostat, normat vjetore kanë arritur rekorde javët e fundit në shumë vende.
Duke filluar nga Estonia, me 19%, e cila ka rritjen më të lartë në Europë në muajin prill, duke vuajtur veçanërisht nga rritja e çmimeve të energjisë si vendet e tjera baltike.
Nga rritja e çmimeve të lëndëve të para ndikohen edhe Holanda dhe Gjermania që janë fuqi eksportuese.
Lufta në Ukrainë ngre dyshime për mungesën e disa produkteve ushqimore, si vajrat bimore dhe drithërat, pasi Rusia dhe Ukraina janë ndër prodhuesit më të mëdhenj.
Por, është sektori i energjisë ai që po krijon më shumë tension, me një rritje prej 38% në prill për vendet e eurozonës.
Europa po përballet me çështjen e alternativave në rast të një embargoje totale ndaj gazit dhe naftës ruse.
Jashtë Europës probleme kanë edhe Fuqitë e Mëdha.
Shtetet e Bashkuara përjetuan në mars normën më të lartë të inflacionit në 40 vjet, ku shkaqet kryesore janë: çmimet e benzinës dhe mungesa e mallrave dhe e fuqisë punëtore.
Në Kinë, kurba e inflacionit po ndjek atë të epidemisë së Covid, ku vala e infeksioneve dhe politika zero-Covid kanë sjellë ndalesë në disa nga qytetet kryesore të vendit, si Pekini dhe Shangai./Euronews
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë