190 milionë euro armë të dërguara nga Gjermania në Ukrainë

pixabay

Gjermania dërgoi më shumë se 190 milionë euro (201 milionë dollarë) armë dhe pajisje në Ukrainë në tetë javët e para pas pushtimit të Rusisë.

”Gjermania dha dritën jeshile për dorëzimin e armëve luftarake me vlerë 120.5 milionë euro dhe armëve të tjera me vlerë 71.4 milionë euro ndërmjet 24 shkurtit dhe 19 prillit”, deklaroi Ministria e Mbrojtjes në përgjigje të një pyetjeje parlamentare, transmeton Dpa, përcjell Albinfo.ch.

Kjo krahasohet me më shumë se 3.7 miliardë dollarë armë dhe municione të premtuara ose të dorëzuara tashmë në Ukrainë nga Shtetet e Bashkuara.

Republika Baltike e Estonisë deri më tani ka ofruar ndihmë ushtarake për Ukrainën në vlerë mbi 220 milionë euro.

Dy ditë pas sulmit rus në Ukrainë, qeveria gjermane vendosi të furnizojë me armë në zonën e luftës, duke përfshirë raketa kundërajrore, bazuka, municione dhe mitralozë.