Kriza në Ukrainë

Në Bucha është vrarë 1 në 5 banorë

Kievi zyrtar ka lëshuar akuza të reja në drejtim të ushtrisë ruse, e cila sipas tij është duke vrarë qytetarët e pafajshëm që po largohen nga banesat e tyre.

E hënë, 18 Prill 2022 - 20:59 albinfo.ch
Keystone (AP Photo/ (AP Photo/Rodrigo Abd)

Kreu i administratës ushtarake rajonale të Lugansk, Sergiy Gaidai,, raporton një rast në Kremmina, qytet në rajonin e Luganskut nga sot nën kontrollin e Moskës, ku 4 civilë u vranë nga rusët pasi po iknin nga zona.

“Në mëngjesin e 18 prillit, banorët e Kremminës u përpoqën të evakuoheshin me automjetet e tyre. Rusët hapën zjarr mbi një makinë me civilë në bord. Katër persona u vranë. Një person i plagosur rëndë është ende në vendngjarje. Mjekët nuk mund ta arrijnë atë për shkak të bombardimeve të pafundme”, shkruan Gaidai.

Ndërkohë, një tjetër dëshmi e tmerrshme vjen nga kryebashkiaku i Bucha, Anatoliy Fedoruk, qytet shumë pranë Kievit, ku u shkaktua një nga masakrat më të mëdha në këto 54 ditë luftime.

Sipas Fedoruk, nga vlerësimet e fundit rezulton se trupat ruse kanë vrarë 1/5 e banorëve të Bucha-s, të cilët nuk kanë mundur të largohen nga qyteti./Cnn

 Të tjera nga Kriza në Ukrainë

Ndihma zvicerane për Ukrainën arrin në më shumë se 6 miliardë franga

 E-Diaspora

 Jeta në Austri