Lajme
Ozoni, vogëlushi shqiptar me emrin më të pazakontë në Berlin, lufton për klimën
“Ne jemi të përkushtuar për mbrojtjen e mjedisit prej vitesh dhe duam që Ozoni të ndjekë gjurmët tona”, thotë babai i tij, Xhafer Metaj. "Prandaj ne zgjodhëm për të këtë emër të pazakontë, por jashtëzakonisht konciz"
Quhet Ozon, ka emrin më të pazakontë në kryeqytet. Ai e do natyrën, zgjidh mosmarrëveshjet dhe tashmë flet tri gjuhë. Shqiptari 8-vjeçar që tani është një ambientalist i bindur, transmeton albinfo.ch.
Kujdesi për natyrën shpesh fillon me gjërat e vogla. Për shembull, duke i këshilluar miqtë që të mos i hedhin qeset bosh në shkurre, shkruan gazeta gjermane B.Z. e cila ka takuar “ambasadorin më të ri të Berlinit” për mjedisin. Tetëvjeçari nga Reinickendorf ka ndoshta emrin më të pazakontë në kryeqytet dhe tashmë e arsyeton atë.
“Ne jemi të përkushtuar për mbrojtjen e mjedisit prej vitesh dhe duam që Ozoni të ndjekë gjurmët tona”, thotë babai i tij, Xhafer Metaj, 59-vjeçar. “Prandaj ne zgjodhëm për të këtë emër të pazakontë, por jashtëzakonisht konciz”.
Ozoni tani është në klasën e tretë dhe në fakt është i interesuar për natyrën dhe se si mund të mbrohet më mirë ajo.
“Kam shumë libra me figura për tokën dhe kafshët”, thotë ai. “Përveç kësaj, unë shpesh shikoj dokumentarë për planetin tonë, Tokën, bashkë me prindërit e mi”. Ai gjithashtu e ngre vazhdimisht temën e depozitimit dhe ndarjes së mbeturinave, në bashkëbisedim me shokët e tij të shkollës.
Si një ambasador i vogël për mbrojtjen e mjedisit, Ozonin e dallon gjithashtu një ndjenjë e lartë e drejtësisë. “Mësuesit gjithmonë tregojnë se si ai përpiqet të zgjidhë mosmarrëveshjet në oborrin e shkollës”, thotë babai, transmeton albinfo.ch. Dhe nëse dikush e fyen, ai e merr këtë vetëm me humor”.
Lënda e tij e preferuar në shkollë është anglishtja. Ozoni tashmë e flet atë siç duhet, si dhe gjermanishten dhe shqipen, gjuhën amtare të prindërve të tij.
“Përveç kësaj, më pëlqen futbolli dhe stërvitem dy herë në javë në klubin MSV Normannia08”, thotë ai. “Unë jam sulmues dhe do të doja që kur të rritem të luaj si profesionist për Real Madridin”, përcjell albinfo.ch. Por, nëse kjo nuk funksionon, Ozoni mund të imagjinojë gjithashtu që, si i rritur, të bëhet astronaut. “Kur të rritem, patjetër dua të eksploroj dhe të mbroj botën”, thotë ai.
Dhe, a ka vend më të mirë për të përhapur mesazhin për mbrojtjen e mjedisit sesa lart në yje…”, përfundon gazeta.
Të ngjashme
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj