165 fëmijë kanë humbur jetën në Ukrainë që nga fillimi i luftës

(AP Photo/Felipe Dana)

Pushtimi rus në Ukrainë ka shkaktuar edhe viktima të moshave të reja e të mitur. Që nga fillimi i pushtimit e deri më tani janë vrarë 165 fëmijë.

Kjo shifër ka të bëjë me trupat e gjetur, pasi pas masakrës në Bucha mund të rritet shifra akoma më shumë. Gjithashtu bëhet me dije se 266 fëmijë janë plagosur, shkruan TCH, transmeton albinfo.ch.

Ndërkohë që nga fillimi i pushtimit miliona fëmijë janë detyruar të largohen nga shtëpitë e tyre.

Forcat ukrainase kanë njoftuar mëngjesin e sotëm se kanë rimarrë terrenin kyç në veri të Ukrainës, pasi ia mohuan Rusisë aftësinë për të siguruar objektivat dhe detyroi forcat ruse të tërhiqen nga zonat përreth Chernihiv dhe në veri të Kievit.