Biden në Varshavë: Detyrimi i mbështetjes në NATO është “i shenjtë”

"Ne e konsiderojmë nenin 5 si një detyrim të shenjtë dhe ju mund të mbështeteni në këtë" ka thënë Biden në takimin me Presidentin e Polonisë Andrzej Duda

Presidenti i SHBA Joe Biden i ka premtuar Polonisë besnikërinë e SHBA-së në raport me aleancën së NATO-s në funksion të luftimit të agresionit rus në Ukrainë.

“Ne e konsiderojmë nenin 5 si një detyrim të shenjtë dhe ju mund të mbështeteni në këtë” ka thënë Presidenti Biden në takimin me Presidentin e Polonisë Andrzej Duda në Varshavë të shtunën.

Ai ka thënë se konsideronte që presidenti rus Vladimir Putin “priste se do të arrinte të ndante NATO-n, të ishte në gjendje të ndante krahun lindor nga perëndimi”, tha Biden. Por ai nuk ishte në gjendje ta bënte këtë.

Biden falënderoi gjithashtu Poloninë për pranimin e refugjatëve nga Ukraina, transmeton albinfo.ch. “Ne e pranojmë se Polonia po merr një përgjegjësi të madhe, e cila besoj se nuk duhet të shqetësojë vetëm Poloninë. Duhet të jetë përgjegjësi e gjithë botës, e gjithë NATO-s”, tha presidenti amerikan “.

 

---