Shteti i BE-së që po ua subvencionon qytetarëve faturat e energjisë elektrike

Belgjika po ofron masa lehtësuese për banorët që përballen me kostot e larta të energjisë përmes pagesave të njëhershme prej 100 € (112 dollarë).

Përveç kësaj, qeveria ra dakord të martën që të ulë përkohësisht normën e tatimit mbi vlerën e shtuar (TVSH) për energjinë elektrike, njoftoi agjencia e lajmeve Belga, përcjell albinfo.ch.

Kryeministri Alexander De Croo, siç transmeton Dpa, i quajti masat një “përforcues të fuqisë blerëse”, njoftoi Belga.
Konkretisht, TVSH-ja për energjinë elektrike do të ulet nga 21% në 6% nga marsi deri në fund të qershorit dhe të gjithë banorët do të marrin një pagesë të njëhershme prej 100 € për të paguar faturën e tyre të energjisë elektrike, raporton Belga.

Gjithashtu, tarifa speciale për familjet me të ardhura të ulëta do të zgjatet deri në fund të qershorit.

Në total, masat kushtojnë rreth 1.1 miliardë euro. Edhe vende të tjera evropiane kanë marrë masa për të mbrojtur konsumatorët nga rritja e madhe e çmimeve të energjisë që filloi vitin e kaluar.

---