Sulm me armë në Universitetin e Heidelbergut: 4 të plagosur, vritet sulmuesi

Personi që ka qëlluar pa dallim rreth vetes në një sallë leksionesh në universitet të hënën pasdite nuk kishte motive politike apo fetare

Sipas informacioneve nga Agjencia Gjermane e Shtypit, DPA, në ambientet e Universitetit të Heidelberg-ut ka ndodhur një sulm i armatosur.

Një person i vetëm ka plagosur disa persona në një sallë leksionesh në fakultetin e mjekësisë. Sulmi është bërë me armë të gjatë pasditen e së hënës, thotë policia.

Autori tashmë ka vdekur, raportojnë agjenci të ndryshme nga vendi i ngjarjes.

Policia thotë: “Nuk presim autorë të tjerë”. Megjithatë, me qëllim sigurie, zona do të vazhdojë të kontrollohet. Policia nuk tha se sa persona mbetën të plagosur nga sulmi. Nuk ka të dhëna as për identitetin e të plagosurve.

Sipas DPA, vetë i armatosuri ishte student, transmeton albinfo.ch. Personi që ka qëlluar pa dallim rreth vetes në një sallë leksionesh në universitet të hënën pasdite nuk kishte motive politike apo fetare, sipas qarqeve të sigurisë. Autoritetet e sigurisë thonë se ai kishte disa armë të gjata me vete.

Policia po ashtu u kërkon shoferëve që të lëvizin sa më larg vendit të ngjarjes në mënyrë që punonjësit e shpëtimit të veprojnë lirshëm.

---