Shumë mësues në izolim – mbyllet shkolla për dy ditë

Pasi shtatë mësues janë infektuar me virusin korona dhe ishin në izolim, nuk u gjet më asnjë zëvendësues për klasat e prekura

Në Dübendorf, Kantoni i Cyrihut, shkolla fillore është mbyllur përkohësisht: arsyeja për këtë është se shumë mësues janë të infektuar me virusin korona dhe kanë qenë ose janë në izolim që nga fundjava, transmeton albinfo.ch. Mësuesit zëvendësues nuk mund të gjendeshin më.

Problemi ka qenë në fakt i njohur që nga fillimi i valës aktuale me Omikron: në shumë kompani dhe institucione ka mungesë të stafit pas humbjes së punonjësve të shumtë, për shkak të sëmurjes së tyre.

Në disa raste është e pamundur të kompensohen dështimet.

Ndërsa në Dübendorf ka ndodhur kjo: Pasi shtatë mësues në ndërtesën e shkollës Stägenbuck të këtij fshati janë infektuar me virusin korona dhe ishin në izolim, nuk u gjet më asnjë zëvendësues për klasat e prekura, shkruan toponline.ch. Kështu, autoritetet vendosën të anulojnë procesin mësimor të hënën dhe të martën.

---