Rriten qiratë në rajonet malore të Zvicrës

ArchiLine Wooden Houses

Zonat alpine shënuan rritje të ndjeshme të qirave vitin e kaluar, mbi mesataren zvicerane, sipas indeksit të qirasë të publikuar nga portali i pasurive të paluajtshme Homegate.ch dhe Banka Kantonale e Cyrihut, transmeton albinfo.ch.

Ndërsa në nivel kombëtar qiratë u rritën me 1 për qind, disa kantone malore shënuan çmime më të larta. Në Graubünden, qiratë u rritën me 4.7 për qind, në Uri me 2.7 për qind dhe në Nidwalden me 2.5 për qind.

Rritja e kantoneve malore gjermanishtfolëse është nxitur nga gjendja shëndetësore. “Destinacionet e huaja kanë humbur tërheqjen e tyre gjatë dy viteve të fundit për shkak të kufizimeve të vendosura nga pandemia, dhe detyrimi i punës në distancë ka kontribuar gjithashtu në këtë trend, zbuloi studimi. /Albinfo.ch