Lajme

Izrael: Doza e katërt e vaksinës për qytetarët mbi 60 vjeç

E mërkurë, 22 Dhjetor 2021 - 18:25 albinfo.ch

EPA/ETIENNE LAURENT

Izraeli do t’u ofrojë qytetarëve dozën e katërt të vaksinës anti-COVID. Të parët që do e marrin janë personat mbi 60 vjeç.

Një panel ekspertësh rekomandoi dozën e katërt, një vendim që u mirëprit nga kryeministri Naftali Bennett.

Vendimi vjen pas shfaqjes së rritjes së të infektuarve me variantin Omicron në këtë shtet.

Nga ana tjetër, kreu i zyrës evropiane të Organizatës Botërore të Shëndetësisë, Hans Kluge, u bëri thirrje njerëzve që të marrin një dozë përforcuese, duke deklaruar se ishte mbrojtja e vetme më e rëndësishme kundër variantit më të transmetueshëm, Omicron.

Kluge paralajmëroi se infeksionet me COVID-19 janë tashmë 40% më të larta se në të njëjtën periudhë të vitit të kaluar.

Varianti Omicron tashmë është zbuluar në të paktën 38 shtete anëtare në rajon.