Lajme
Kalifornia synon riciklimin e mbetjeve ushqimore për t’i kthyer në energji
Në Kaliforni hyjnë në fuqi rregulla të reja nga janari i vitit 2022, të cilat do t’u kërkojnë njerëzve të riciklojnë mbetjet e tyre ushqimore që më pas t’i kthejnë në energji të rinovueshme.
Të gjitha mbetjet organike, duke përfshirë lëkurat e bananes, kockat e pulës dhe perimet e mbetura, lëshojnë metan ndërsa kalben. Dhe në 20 vitet e para në atmosferë, metani ka 80 herë më shumë fuqi se CO2.
Rreth 40 për qind e ushqimit shpërdorohet aktualisht në Shtetet e Bashkuara dhe sapo ai ushqim të arrijë në landfill, krijon rreth 15 për qind të emetimeve të metanit në vend, sipas Agjencisë së Mbrojtjes së Mjedisit të SHBA.
Për të reduktuar emetimet e gazeve serrë nga vendgrumbullimet, shteti i Kalifornisë miratoi një ligj në vitin 2016. Ligji kërkon që qeveritë lokale dhe subjektet që mbledhin mbeturina të kenë programe të detyrueshme të riciklimit të ushqimit që nga janari 2022. Disa zona rurale ku arinjtë mund të përbëjnë problem përjashtohen nga ligji.
Qëllimi është që këto mbetje ushqimore të kthehen në energji.
Shumë qytete do t’u ofrojnë banorëve, në shtëpitë dhe apartamentet e një familjeje, kazanë mbeturinash ushqimore të cilat mund të rezistojnë deri në dy ditë. Më pas ata mund t’i hedhin në kazanët e gjelbër të mbeturinave së bashku me mbetjet e oborrit.
Pasi ushqimi të jetë në koshin e gjelbër të mbeturinave, ai do të shkojë në një strukturë që mund ta kompostojë atë ose të përdorë tretje anaerobe për ta kthyer atë në energji të gjelbër.
Si trajtohen mbetjet ushqimore në mbarë botën?
Një e treta e të gjithë ushqimit të prodhuar në botë nuk hahet kurrë sepse ushqimi prishet ose hidhet, sipas Organizatës së Ushqimit dhe Bujqësisë.
Kalifornia ka programin më të madh të riciklimit në SHBA, por shteti nuk është i pari që nis një nismë të tillë. Ai bashkohet me tetë shtete të tjera në SHBA, të cilat kanë ligje që kërkojnë një ripërpunim të mbetjeve ushqimore, për t’i mbajtur ato jashtë landfilleve dhe për të ulur emetimet e gazeve serrë. /Euronews
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?