Lajme
Shitja e armëve shënon rritje gjatë pandemisë
Shitja e armëve dhe shërbimeve ushtarake nga 100 kompanitë më të mëdha të përfshira në këtë industri, arriti të gjeneronte 531 miliardë dollarë në vitin 2020, një rritje me 1,3%, krahasuar me vitin 2019. Kështu thotë një raport i publikuar nga Instituti Kërkimor Ndërkombëtar i Paqes në Stokholm (SIPRI).
Rritja krahasuar me vitin 2015 është 15%, tha raporti. Ky vit është i rëndësishëm, sepse është i pari në të cilin janë llogaritur shitjet e armatimeve nga kompanitë kineze.
Pandemia nuk pati asnjë ndikim te shitja e armëve. Edhe pse gjatë vitit 2020 ekonomia botërore u tkurr me 3,1%, shitja e armatimeve pësoi rritje. “Një ndihmë të madhe për këtë industri ka dhënë kërkesa e vazhdueshme e qeverive për armë dhe shërbime ushtarake”, tha Alexandra Marksteiner, kërkuese e Institutit.
Shtetet e Bashkuara kryesojnë edhe një herë listën e shitësve më të mëdhenj. Në total, 41 kompani amerikane kanë siguruar të ardhura në vlerën e 285 miliardë dollarëve, një rritje me 1,9% nga viti 2019. Kompanitë amerikane siguruan 54% të shitjeve të 100 kompanive më të mëdha. Që prej vitit 2018, 5 kompanitë me më shumë të ardhura kanë qenë me seli në SHBA, raporton Cnn, përcjell Albinfo.ch.
Në 100 kompanitë më të mëdha, 5 prej tyre janë kineze. Ato kanë siguruar, gjatë vitit 2020, 66,8 miliardë dollarë, 1,5% më shumë se në vitin 2019, duke zënë 13% të tregut sa i përket 100 kompanive më të mëdha.
Në listën me 100 kompanitë më të mëdha, 26 janë nga “Kontinenti i Vjetër”, dhe të gjitha së bashku, kompanitë europiane kanë siguruar 109 miliardë dollarë. Kompanitë britanike siguruan 37,5 miliardë dollarë, ndërsa ato gjermane 8,9 miliardë dollarë.
Ndryshe nga trendi i përgjithshëm i industrisë dhe i shteteve të tjera, kompanitë ruse pësuan një rënie të të ardhurave të siguruara nga shitja e armëve në vitin 2020, duke siguruar 26,4 miliardë dollarë, gati 2 miliardë dollarë më pak sesa në vitin 2019.
Baza e të dhënave e institutit suedez, SIPRI, ka nisur të krijohet në vitin 1989 dhe mbledh të dhëna për shitjet që kanë realizuar kompanitë e armëve brenda dhe jashtë vendeve ku kanë selitë qendrore.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë