Zaev jep dorëheqjen nga pozita e kryetarit të partisë

Keystone EPA/GEORGI LICOVSKI

Kryeministri i Maqedonisë së Veriut, Zoran Zaev, ka dhënë dorëheqjen si lider i LSDM-së, pasi partia e tij humbi zgjedhjet lokale në muajin e kaluar.

“Komisionet e larta të partisë e kanë pranuar dorëheqjen e tij”, thuhet në një raport në faqen maqedonase të lajmeve plusinfo.mk, duke cituar një zëdhënës të LSDM-së, transmeton Albinfo.ch.

Votimi për zgjedhjen e pasardhësit të Zaevit do të mbahet më 12 dhjetor, ku fituesi do të zëvendësojë edhe Zaevin si kryeministër.

Ndërkohë ministri i Financave, Dimitar Kovaçevski, është favoriti aktual për të fituar votën, sipas raporteve të medieve lokale.