Opozita maqedonase: Nëse deri nesër Zaev nuk e dorëzon dorëheqjen, do nisim procedurën për rrëzimin e qeverisë

Kryetari i VMRO-DPMNE-së, Hristijan Mickoski, ka realizuar të dielën një takim me kryetarët e sapozgjedhur të komunave që vijnë nga partia e tij.

Mickoski para medieve ka folur për rrëzimin e Qeverisë së Zaevit.

Ai tha se do të presin deri nesër (e hënë), në orën 14:30, që Zaev ta dorëzojë dorëheqjen në Kuvend, ndërsa ka shtuar se në të kundërtën, ata në orën 14:30 do të dorëzojnë nënshkrimet për votim të mosbesimit të Qeverisë LSDM-BDI.

“Do të jem si zakonisht, preciz. Deri në orën 14:30 presim dhe më pas do ta nisim procedurën për votimin e besimit të qeverisë, nëse më parë nuk e mban premtimin Zoran Zaev”.

Hristijan Mickoski ka thënë se fillimisht duhet të rrëzohet kjo qeveri dhe më pas do të vijnë procedurat e tjera.

Numri i VMRO-DPMNE ka mohuar raportimet se deputeti i Alternativës, Skender Rexhepi, është ankuar për keqpërdorim të nënshkrimit të tij dhe se do ta tërheqë atë.

“Nënshkrimi i Skender Rexhepit qëndron në iniciativën për ndryshimin e kësaj qeverie dhe besoj në ndershmërinë dhe sinqeritetin e tij për të rrëzuar këtë qeveri të korruptuar”.

 

---