Hava Misimi është zgjedhur “Brokerja e re e vitit 2021” në Gjermani

Çmimi i parë, i cili përfshin në vete 10,000 euro, shkoi për blogeren, kolumnisten, autoren e librave dhe themeluesen e Yfinance GmbH Hava Misimi

Agjentët e rinj të vitit 2021 janë nderuar me çmime në panairin e financave dhe sigurimeve DKM. Vendi i parë dhe me këtë edhe çmimi prej 10.000 eurosh i takoi Hava Misimit, shkruan versicherungsjournal.de.

Marie Christina Schröders dhe Alexander Teßmann pasojnë në vendin e dytë dhe të tretë.

Për herë të njëmbëdhjetë, BBG Betriebsberatungs GmbH ka shpallur çmimin “Young Broker” për profesionistët e rinj nën moshën 40 vjeçare, trasnmeton albinfo.ch. Konkursi mbështetet nga 46 sponsorë nga fusha e financave dhe e sigurimeve.

Ceremonia e ndarjes së çmimeve, e moderuar nga drejtori menaxhues dhe drejtuesi i panairit të BBG, Konrad Schmidt, është zhvilluar mbrëmë, të enjten si pjesë e panairit të DKM Forum në Dortmund.

Hava Misimi është “brokerja” e re e vitit

Çmimi i parë, i cili përfshin në vete 10,000 euro, shkoi për blogeren, kolumnisten, autoren e librave dhe themeluesen e Yfinance GmbH Hava Misimi.

Jan Roß, Shef sektori i brokerëve të “Zurich Group” për Gjermani, vendimin për t`i ndarë çmimin e parë Misimit, si më poshtë: Fituesja elokuente dhe simpatike jo vetëm që ofron produkte financiare, por edhe njohuri financiare, përcjell albinfo.ch. Ajo ka një përgjigje për të gjitha pyetjet dhe madje edhe “ujqërit e vjetër” mund të mësojnë diçka në blogun e saj falas.

Si vajzë e prindërve refugjatë nga Kosova, Hava, e lindur në vitin 1994, jeton në Marbach am Neckar.

Ajo këshillon ndërmarrjet dhe zotëron aksione dhe pasuri të paluajtshme.

Që nga fillimi i vitit 2018, ajo u ka shpjeguar të rinjve botën e financave në blogun e saj shumë të njohur “Femance”.

 

---